KINTOA EUSKAL XERRIAREN SAILA

Hazle eta transformatzaile batzuek zuten Kintoa Euskal Xerriaren garapenerako saila sortu, 2001ean, arraza salbatzen lagunduz, ondare genetikoaren atxikitzeko programa plantan ezarriz eta ekoizpena berriz abiaraziz.

Kintoa logo
Nor gira ?

Herriko etxea – 64430 ALDUDE

05 59 37 55 71 / 06 84 14 54 01

Astelehenetik ostiralera
9etatik 17etara

Hazle batzuek eta transformatzaile batzuek Kintoa Euskal Xerriaren garapenerako saila sortu zuten, 2001ean. 80ko hamarkadako erditik goiti, arraza salbatzen lagundu zuten, bai eta ondare genetikoaren atxikitzeko programa plantan ezarri eta ekoizpena berriz abiarazi. Eragile horiek lehen elkarte batean bilduak ziren, «Le porc basque en vallée des Aldudes» izenekoan. 2001ean, «profesionalen arteko» xedea duen erakunde bat sortzea deliberatu zuten.

Ondokoak dira Kintoa Euskal Xerriaren Saileko elkartearen helburuak :

  • Garatzen ari den sail baten egituratzearen gidatzea : ekoizpen jarioa, transformatzeko tresnak…,
  • Garapen ekintzen programatzea : atelier berrien integratzea, ekoizpenean erdietsi emaitza tekniko-ekonomikoen hobetzea…
  • Kintoa produktuendako (xingar idorra eta haragi freskoa) Jatorri Deitura Kontrolatuaren erdiesteko behar diren ekintzen koordinatzea
  • Elkartearen helburua da balio erantsi handiko goi mailako produktu baten ekoiztea eta, ondorioz, etxaldeetan enpleguak atxikitzea eta gure lurraldeko ekonomiaren sustatzea. 

Sail horrek hazleen eta transformatzaileen laguntzeko lan bat eramaten du, bai eta ekoizpenaren kudeatzeko, sormarkaren kudeatzeko eta gerizatzeko, sailaren garatzeko eta kolektiboki ezagutarazteko ere.

Kintoa eta Kintoko Xingarra izeneko ekoizpenak Jatorri Deitura Kontrolatuan onartuak izan dira, 2016ko agorrilean. 80ko urteetan 10 hazle izatetik orain 75 hazle izatera pasatu dira. Horien artean, 25ek etxaldean transformatzen dute eta 5 transformatzaile-ofiziale dira. 2018an, Sailak «KINTOA Jatorri Deitura Gerizatuko» 3200 zerri eta 6000 « KINTOko xingar» transformatu ditu..

KINTOA Jatorri Deitura Gerizatua ondoko abantailetan oinarritzen da :

  • Mendiko ingurumen naturala, klima ezti eta umikoa,
  • Bere inguruneari egokitua den arraza bat, euskal xerria
  • Haren haragia, urte bat baino gehiagoko hazkuntzaren ondotik erdietsia, eta xingarra, hiru urte baino gehiagoren ondotik egina.
  • Lekuko historian errotua izatea, ontsa hazteko eta transformatzeko jakitateak.savoir-faire d’élevage et de transformation.

Ingurumen naturalaren, arrazaren eta jendearen arteko aliantza horrek die Kintoko produktuei beren tipikotasuna ematen. 

Antolaketa
Bulegoa

Langileak
  • Léa GONZALES,
    finantza kudeaketa
  • Miren TRISTANT,
    hazkuntzaren alorreko teknikaria
  • Capucine PICAMOLES,
    animatzailea
Porc basque Kintoa