BLE - BIHARKO LURRAREN ELKARTEA

B.L.E-k laborantza biologiko, autonomo, lekuko eta solidarioaren garatzeko lan egiten du, Iparraldean, sareak antolatuz, formakuntzaren bidez, entseguak eginez.

Biharko Lurraren Elkartea - logo
Nor gira ?

Haize Berri, 64120 IZURA

05 59 37 35 45 – 06 27 13 32 38

Astelehenetik ostiralara
9etatik 17etara

1995an Biharko Lurraren Elkarteko sortzaileek nahi zituen laborariek gobernatu garapen-tresnak eraiki, laborantza autonomo, xuhur, biologikoaren alde, Iparraldean, laborarien arteko elkarlanean eta partekatzean oinarriturik.

Orduko giro «produktibistan», BLE fite bereizi zen: hastapeneko 30 kideak 350 dira orain : 300 etxalde eta 50 kide asoziatu (partikularrak, enpresak). Lehen animatzailea 1997an hartu zuten eta, gaur egun, taldeak 7 pertsonaren heinekoa biltzen du.
Laborantza biologikoaren aldeko Riquois plana 1998an, laborantza iraunkorraren inguruko kontratuak 2006an, mahasti-lurraldeen kartografia 2007an, BP REA option maraichage bio diplomaren sortzea 2009an, laborantza-lizeoei zuzendu Sur la Route de la Bio operazioa 2013an, Pacte bio Nouvelle Aquitaine programa 2017an… gertakari horiek guziak garrantzitsuak izan dira lurraldeko laborantzaren trantsizio prozesu progresibo eta deliberatuan.
Euskal Hirigune Elkargoarekin 2018an hasi partaidetzaren karietara, BLE behin betiko ezagutua izan da biologikoaren arloko Euskal Herriko erakunde erreferente gisa.

Gaur egun, haren misio nagusiak dira: :

  • Laborantza biologiko autonomo eta xuhurraren aldeko formakuntza,
  • Laborantza biologikoan instalatzeko eta laborantza biologikora pasatzeko laguntza,
  • Ikerketa eta berrikuntza,
  • Biologikoaren sustapena eta merkaturatzeko laguntza.

20 kideko Administrazio Kontseiluan diren 6 kideko Bulegoak ditu Biharko Lurraren Elkartearen ekintzak gidatzen. Kideen beharren jakinaraztea talde erreferenteen artean segurtatua da; orain, 18 talde badira : ekoizpen motaka (baratzezaintza, hegaztiak, behiak…), zeharkako gaika (animalien osagarria, bioaniztasuna…), gai berritzaileentzat (biodinamia, animalien indarraren baliatzea…).
Inportantea da ohartzea BLE hainbat saretan aktibo dela: ARRAPITZ federazioan, CIVAM sarean, FNAB sarean, EHKOlektiboan. BLE elkartea Interbio Nouvelle Aquitaine erakundeko eta CADEko kide ere da.

Biologikoaren «konbentzional bilakatzearen» parean (hots, integrazio ekonomikoaren eta industrializazioaren parean) BLEk eta haren kideek altxatzen duten desafioa da frogatzea biharko biologikoa garatzen ahal dela marko solidarioan, hurbiltasunean, autonomian, etxaldeen bideragarritasunean eta bizikortasunean, bizilagunekiko konfiantzazko harremanean.

Lan eremuak

Formakuntza

Urte oroz, Biharko Lurraren Elkarteak ehun bat formakuntza, elkarretaratze tekniko eta trukaketa-egun antolatzen ditu, hazkuntzari buruz (bazkatzea, animalien osagarria, ekoizpen motaka), agronomiari buruz (lurzoruaren ezagutzea, pentzeak, lantzen diren landareen araberakoa, biodinamia), baratzezaintza, arbolazaintza, mahastizaintza… 

Laborantza biologikoan instalatzeko

eta laborantza biologikora pasatzeko laguntza

BLEk proiektu-eramaile anitz laguntzen ditu (elkarrizketak, lekuan lekuko bisitak, formakuntza kolektiboa…). Zenbaki batzuk erabiliz, urtean heldu da :

  • Biologikoan instalatzeari buruzko 20 diagnostiko 
  • Biologikora pasatzeari buruzko 20 diagnostiko
  • Biologikora pasatu ondoko 40 segimendu indibidual

Posible den aldi oro, laguntzak alde indibiduala eta kolektiboa bateratzen ditu. Biharko Lurraren Elkarteak aktiboki parte hartzen du Zurkaitzak sareko koordinazio lanean, Arrapitzeko bertze egiturekin eta EHLGrekin, non instalazio proiektuen laguntzeko lan egiten baitute.

Ikerketa eta berrikuntza

Xedea da parte hartzeko aukera ematen duten ikerketa ekintzak animatzea, produktu sintetikorik gabeko laborantza baten alde, etxaldeen autonomia helburu, bertako baldintza pedoklimatikoetan : lurzoruen kartografia, bioaniztasun kultibatua, erreferentzia bilketa, biodinamia, polinizatzaileen ostatatzea… Talde eta lan horietarik, liburuak argitaratzen dira, baratzezaintza biologikoaz, hazkuntzaz, fitxa eta gida teknikoak, eta BLE Berri aldizkaria (hiru hilabetetarik).

Biologikoaren sustapena
eta merkaturatzeko laguntza

Ekintza anitz burutzen dira Iparraldeko etxaldeen engaiamendu biologikoaren sustatzeko : Euskal Herriko laborari biologikoen gida, interneten dagoen mapa interaktiboa, eskolekin eta kolegioekin egin lana (Bio & Lekuko jatea), ekoizle talde batzuen animatzea kolektiboki merkatura dezaten, ikusizko tresna batzuen argitaratzea (etxaldeetako panelak, merkatuetako banderolak..), etxalde irekiak operazioa («Etxaldez etxalde» – CIVAM sarea), Garron egiten den lekuko sare biologiko eta solidarioaren elkarretaratzea (Asunak), etab.

Antolaketa
Adminiztrazio kontseilua
  • Julie ABBADIE, gisateratze etxalde sortzailea HAZPARENEN
  • France BONILLO, Bulegoan,  MAULEko biztanlea
  • Aymar BOURGY, Buelgoan, baratzezaina  AMENDÜZEN
  • Paul CARRICABURU, Lehendakaria, mahastizaina AZKARATEN
  • Fanny DALLA BETTA, landare aromatiko eta sendabelar ekoizlea BITHIRIÑAN
  • Laura DANIEL, baratzezaina  AHURTIN
  • Jean Claude AGUERRE, zereala eta fruitu ekoizlea, PAGOLAN 
  • Maite DUHALDE, Bulegoan, ardi esnedun hazlea AIHERAN
  • Mizel DUNATE, Diruzaina, ardi esnedun hazlea AIHERAN
  • David BACHACOU, oilo hazlea BUNUZEN
  • Johanne FOIRIEN, ardi esnedun hazlea AINHARBEN
  • Jon HARLOUCHET, behi esnedun hazlea DUZUNARITZEN
  • Marianne BEHOTEGUY, erlezaina URDIÑARBEN
  • Argitxu ITHOURRIA, baratzezaina LEKORNEN
  • Jean Marie IRIGOIN, zerri, ardi eta behi hazlea IBARLAN
  • Nicolas MENDIBOURE, baratzezaina IRISARIN
  • Francis LARREA, Idazkaria, baratzezaina LEKORNEN
  • Cécile THOREAU, Bulegoan , safran eta fruitu ekoizlea PAGOLAN
Langileak
  • Hélène PROIX, bioaniztasun kultibatuaren, kultura handien, agroekologiaren alorretako animatzaile teknikoa ble.helene.proix@gmail.com06 27 13 32 32
  • Maria BRYKALSKA,

    barazkien, landaren aromatikoen alorretako animatzaile teknikoa maite.goienetxe@wanadoo.fr – 06 27 13 32 31

  • Martta IRIGOIEN,

    hurbileko sare biologikoen alorreko animatzaile teknikoa ble.lisa.chateaugiron@gmail.com – 06 34 99 39 15

  • Bixente IDIART,

    hazkuntzaren alorreko animatzaile teknikoa ble.charlene.cros@gmail.com 06 27 13 32 36

  • Marlène AUCANTE,

    hazkuntzaren alorreko, erlegintza eta fruitugintza animatzaile teknikoa ble.marlene.aucante@gmail.com 06 27 13 32 34

  • Ninon RABEYROLLES, komunikazio arduraduna ble.ninon.rabeyrolles@gmail.com – 06 37 11 44 96
  • Anne BETEBEDER, mahatsgintza animatzaile teknikoa, ble.anne.betbeder@gmail.com – 07 71 76 18 41
  • Thomas ERGUY, koordinazailea thomas.erguy@gmail.com – 06 27 13 32 38
Kidetza

Bazkidetza urte zibileko hartzen da, bi kide motarekin: bazkideak, kide asoziatuak.

  • Bazkideak : aktibitatean diren laborariak, laborantzan instalatzeko proiektu-eramaileak

    Tarifa betea : 80 € urtean; Tarifa apaldua : 30 € urtean instalatzeko proiektu-eramaileendako, berriki instalatuendako eta egoera ekonomiko zailean diren pertsonendako.

  • Kide asoziatuak : partikularrak, pertsona moralak, salbu laborantza-sozietateak (enpresak, elkarteak…)

    Tarifa : 30 € urtean. Kide asoziatuek ez dute Biltzar Nagusian bozkatzeko eskubiderik.

Xehetasun gehiago...

Garder les vignes propres sans désherbant

Formation de 6 maraîchers à l’auto-construction