UHARTE GARAZIKO GAZITEGIA
Uharte Garaziko «Etxe Gasna» gazitegi kolektiboa gasnen ontzeko tresna da.
SCA Etxe Gasna
Gasnategiko bidea, 70
64220 UHARTE GARAZI
05 59 37 29 83
80ko hamarkadan, etxean ekoizten zuten hamabortz bat laborari bildu ziren gazitegi kolektibo baten sortzeko; gasnen ontzeko prozesuaren hobetzeko eta inbestimenduen mutualizatzeko xedea zuten. Helburua zen kooperatiba-kideei behar diren zerbitzuen eta material bereziaren eskaintzea, gasnak findu eta artatu ahal izateko gisan.
Gaur egun, gazitegiak 30 kide baditu, gehienak ardi hazleak, eta langile bat. Urtean 30 tona gasna baino gehio fintzen ditu.
Kide bakoitza libre da:
– ekarri kantitatearen aldetik (baina gutienez 150kg ekarri behar dira). Egungo egunean, kooperatiba-kide bakoitzak 380 kg-ren eta 3 tonaren artean ekartzen ditu.
– epearen aldetik: batzuek biziki freskoak ekartzen dituzte, bertze batzuek etxaldean pixka bat ontzen dituzte, lehenik. Batzuek berreskuratzen dituzte saltzeko momentuan, bertze batzuek ontzea etxean bukatzen dute.
Gazitegia, gainera, Euskal Herriko Etxe Ekoizleen Elkartearen gordeleku-saltokia da gatzagiarendako, altxagarriendako, ozpinarendako eta transformatzeko material pixka batendako. Hilabeteko 1. eta 3. astelehenetan, esne eta gasna mustren gordeleku gisa ere baliatzen da, auto-kontrol analisiendako.
AUDY Jennyfer, lehendakaria
ELICEITS Peio, lehendakari ordea
- ETCHELECU Hélène, idazkari ordea
- BARBE Pauline, diruzaina
- LARREGARAY Lisa, arduraduna
Baldintzak :
– DDPP nespen sanitarioa ukaitea,
– 5 urteko engaiamendua