TREBATU
Trebatu elkarteak bi dispositibo proposatzen ditu, proiektu eramaileak laborantzan plantatzen laguntzeko helburuarekin : laborantzan trebatzeko tresna, baita « Laborantza Herrikoian Arizan » formakuntza.
1215 Izura Azmeko errepidea, 64120 IZURA-AZME
06 49 43 49 42
Hitzordua harturik
TREBATU elkarteak, Ipar Euskal Herriko laborantza bizirik atxiki nahi du, laborari belaunaldien arraberritzea segurtatuz eta segidarik ez duten etxaldeer arra hartzaile bat atxemanez. Bi dispositibo proposatzen ditu Ipar Euskal Herrian :
– Laborantzan Trebatzeko dispositiboa
– « Laborantza Herrikoian Arizan » formakuntza.
Sail desberdinetako 9 egiturek osatzen eta kudeatzen dute Trebatu :
– Laborantza arloko elkarteek : EHLG, Lurzaindia, Euskal Herriko etxe ekoizleen elkartea, Biharko Lurraren Elkartea, AFOG elkartea eta ELB sindikatua ;
– Kontzumitzaileen izenean : Euskal Herriko Inter-AMAP sarea ;
– Laborantzako formakuntza profesionalaren izenean : Hazparneko CFAA eta Izurako CFPPA ;
– Ekonomia sozial eraldatzailearen ordezkari : Tarnoseko Interstices inkubatzaile/enpresa kooperatiba.
Laborantzan Trebatzeko dispositiboak proiektu eramaileei beren proiektua egiazko baldintzetan entseatzea ahalbidetzen die. Helburua beren instalatzeko gogoa baieztatzea edo berrikustea da. Proiektua entseatzen dute teknikoki, ekonomikoki, humanoki, fisikoki, baita antolaketari begira ere.
TREBATU elkartea RENETA (Réseau National des Espaces Test Agricoles) sareko kide da.
« Laborantza Herrikoian Arizan » formakuntza, laborantzan plantatzeko xedea duten proiektu eramaileei zuzentzen da, beren proiektuaren zehazteko teknika eta enpresa kudeaketari lotuak diren gaitasunak sakonduz.
Formakuntzak emaiteko gaitasuna egiaztatzeko “Qualiopi” agiria du.
LABORANTZAN TREBATZEKO DISPOSITIBOA
« Inkubagailu » funtzioa
Trebatuk juridikoki, fiskalki eta kontableki babesten du proiektu eramailearen aktibitatea. Horretarako proiektu eramailea eta Trebatuk CAPE (Enpresa proiektua sustengatzeko kontratua) izenpetzen dute. Urte bateko kontratua da, bi aldiz arraberri daitekeena.
« Mintegi » funtzioa
Egiazko baldintzetan trebatzeko, leku eta ekoizpen baliabideak proiektu eramaileen esku utziak dira.
– Trebagune iraunkorrak : proiektu eramaileak bat bestearen ondotik pasatzen dira gune horietan, urte batetik hiru urte arte trebatuz.
– Epe motzeko trebaguneak : Lurra administratiboki Trebatuk bere gain hartzen du, jabearekin (proiektu eramailea, laboraria, partikularra, erakunde publikoa) hitzarmena izenpetuz. Jabeak, lurrak, eraikinak eta materiala alokatzen edo prestatzen ditu Trebaturi.
Trebatu ondotik, proiektu eramaileak bertan plantatzeko aukera badu.
« Laguntza eta segipen » funtzioa
Trebatzearen lorpena bermatzeko eta instalazio proiektua prestatzeko, Trebatu eta bere kide diren egiturek proiektu eramailearen segipena segurtatzen dute, maila desberdinetan (teknika, enpresa kudeaketa, antolaketa eta humanoa).
– Segipen indibiduala : hitzordu erregularrak ; sustengua administratiboki eta kontableki ; segipen teknikoa Trebaturen kide diren egiturengandik baita beste kontseiluen galdegiteko parada, diru laguntza batekin.
– Segipen kolektiboa : denbora kolektiboak partekatuak dira trebatzaileen artean, gai desberdinen inguruan. Bestalde kide diren egiturek formakuntza desberdinak antolatzen dituzte urte guzian.
Horrezgain, trebatzaileek laborari erreferente bat hautatu behar dute, trebatze denboran teknikoki laguntzeko, baita lekuko sustengu talde bat sortu beren inguruan, trebatuko eta/edo plantatuko den eskualdean integratzen laguntzeko.
Koordinazio funtzioa
Dispositibo osoaren koordinazioa egiten du Trebatuk, lurraldeko aktoreekin lankidetzan : trebatzearen funtzionamendua administrazioari ezagutaraziz, barne eta kanpo komunikazioa segurtatuz, baita trebagune berriak plantan ezarriz.
« LABORANTZA HERRIKOIAN ARIZAN » FORMAKUNTZA
2020-an sortua, Euskal Herrian plantatzeko xedea duten eta beren laborantza proiektua zehaztu nahi duten proiektu eramaileei idekia den dispositiboa da. Formakuntzaren gehiengoa ikastaroetan iragaiten da, lanbidearen aspektu desberdinen sakontzeko. Helburua teknika eta enpresa kudeaketari lotu gaitasunen garatzea da, baita lurraldean integratzea sare profesional bat sortuz.
Formakuntzaren edukia :
– Ikastaroak 2, 3 edo 4 etxaldeetan : denboraren %70a, laborari formatzaile batzuen segipenarekin
– Denbora kolektiboak, gai desberdinen inguruan (komertzializazioa, proiektuaren dimentsio ekonomikoa, lur bilaketa…), hilabete guziz 2 egunez
– Segipen indibiduala
Publikoa : Laborantza formakuntza eta/edo esperientzia minimo bat proiektuaren oinarria izanen den ekoizpenean
Iraupena : 11 hilabete
Hastapena : 2026-ko urtarrila
Formakuntza-ri buruzko eskuorria (frantsesez) telekargatzeko, hemen klika
Harremanetan sartzeko : TREBATU – 06 74 85 69 74 – trebatu.spc@outlook.com
Zenbakiak : 2024an, ikasleen %100a bukaerako epaimahaian presentatu dira ; %100ak gaitasun agiria lortu dute. Satisfamendua %94koa izan da. Ikasleen %100ak beren proiektuarentzat baliagarri dela adierazi dute.
6 hilabeteren ondotik, ikasleen %55a plantatzen ari ala plantatuak dira (2023ko urtea kondutan hartuz).
« Laborantza Herrikoian Arizan » formakuntza agiria ukaiteak ez du baliokidetza ala zubirik egiteko aukerarik emaiten.
2025-ko « Laborantza Herrikoian Arizan » formakuntzaren bukaerako epaimahaia Izura-Azmen iraganen da, 2025/12/19an.
TREBATU-k proposatzen dituen formakuntzei dagokionez, hemen aurkituko duzue barne araudia (frantsesez), Zerbitzuaren Baldintza Orokorrak (frantsesez), baita ikasleen harrerarentzat liburuxka (frantsesez).
Elbarritasun erreferentea : Yves KUCHLY – 06 74 85 69 74 –trebatu.spc@outlook.com
FORMAKUNTZA LABURRAK
Tematika desberdinei buruzko formakuntza laburrak antolatuak dira puntualki.
Heldu den formakuntza saioa :
– Proiektu eramaileen segipena, 2025eko urrian, Izura-Asmen (7 oren).
2023-an, bi formakuntza labur antolatuak izan dira %91.1-ko satisfakzioarekin.
Informazioak : Yves Kuchly – 06.74.85.69.74 trebatu.spc@outlook.com
Adminiztrazio kontseilua
Osatzen eta kudeatzen dute Trebatu :
9 egiturek :
- AFOG : MURAT Laure
- APFPB : LABRUNE Fabien, lehendakaria
- B.L.E. : ETCHART Maite
- EHLG : BARBERARENA Daniel idazkaria
- AFI : HARIGNORDOQUY Miren
- LURZAINDIA : PIERROT Myriam
- AGROCAMPUS 64 (CFA/CFPPA) : LEBLOND Sabine
- Interstices : BEAUDRY Bernhardt
- Inter-AMAP Pays Basque : CAPDEVILLE Isabel
Laborari kide :
LARROQUE Jean Léon
Langileak
- Kattalin SAINTE MARIE :
Treba guneen arduraduna eta koordinatzailea
06 49 43 49 42
trebatu@outlook.com - Yves KUCHLY :
“stage Entreprendre en Agriculture Paysanne” arduraduna
06 74 85 69 74
trebatu.spc@outlook.com - Maiena ETCHEVERRY :
Trebaguneen animatzailea
06 77 61 28 26
trebatu@outlook.com
crédits photos : Carole Pro